भक्तपुरका विश्वराम कवांको जीवनमा आधारित ‘मेरो जीवन यात्रा’ पुस्तक सार्वजनिक

0
40

भक्तपुर । भक्तपुरका विश्वराम कवांको जीवनीमा आधारित ‘मेरो जीवन यात्रा’ नामक पुस्तक सार्वजनिक भएको छ ।   पुस्तकमा लेखकले आफनो बाल्यकालदेखि अहिलेसम्मको जीवन यात्राकाबारेका विभिन्न पक्षहरुकाबारेमा बयान गरेका छन् । भक्तपुर नगरपालिका वडा नं ७ मा जन्मेका विश्वराम अहिले ६१ व्र्षका रहेका छन् । पुस्तक ६ खण्डमा विभाजित छ । पारिवारिक जीवन र विश्वराम कवां, खेलकुदमा विश्वराम कवां, शिक्षामा विश्वराम कवां, भक्तपुर काण्ड र विश्वराम कवां, सामाजिक कार्य र विश्वराम कवां र व्यवसायिक यात्रा र विश्वराम कवां गरी पुस्तक ६ भागमा विभाजित छन्

सुरुमा शिक्षण पेशा रोजेका विश्वराम अहिले भक्तपुरका चर्चित व्यवसायिमा गनिन्छन् । शिक्षण पेशाबाट सेवा निबृत भएपछि उनले व्यवसायिक जीबन सुरु गरेका थिए । यो वीचमा उनी खेलकुद जीवनमा पनि लागेका थिए । साथै उनी समाजसेवी पनि हुन् । पुस्तकमा उनले आफना जीवनका यिनै पाटोहरुकोबारेमा चर्चा गरेका छन् ।

पुस्तकमा उनकोबारेमा विभिन्न नौ जना विद्धानहरुले लेखेका कुराहरु ठाउँंठाउँंमा प्रस्तुत गरेका छन् । उनको शिक्षण पेशा, उनको खेलकुद, उनको समाजसेवा, उनको व्यवसाय आदि विषयमा बुझेकाचिनेका व्यक्तिले उनकोबारेमा लखेको विषयवस्तु वीच

वीचमा पुस्तकका समावेश छन् । खेलकुद जीवनकोबारेमा रवीन्द्र खर्वुजा, शिक्षणबारेमा डा किशोर हाकुदुवाल, सामाजिक कार्यकोबारेमा रामगोपाल कर्माचार्य, ज्ञानसागर प्रजापति, भक्त राजभण्डारी, नारायणबहादुर दुवाल, न्हुछेभक्त कवां, रामगोपाल कर्माचार्यलगायतले उनको बारेमा लेखेका छन् ।

लेखक कवांले पुस्तक विक्रीबाट उठेको रकम सुस्त मनस्थिति अभिभावक संघ सहयोगार्थ प्रदान गर्ने जानकारी कार्यक्रममा गराए । पुस्तक एक सय ४५ पृष्ठको रहेको छ । पुस्तकको सम्पादन पत्रकार कृष्ण किसीले गरेका थिए ।

LEAVE A REPLY

Please enter your comment!
Please enter your name here